Grond- en gewaseienskappe is gewoonlik uiters veranderlik selfs binne dieselfde land of boord. Dit is noodsaaklik vir boere, landboufinansiers en - versekeraars om die effek van hierdie verskille op die winsgewendheid en risiko's van gewasproduksie te verstaan, eerder as om te kyk na die "gemiddeld" van 'n distrik, plaas of selfs land/boord.
Die benadering om te kyk na verskille binne in 'n land/boord staan bekend as presisie-boerdery. NviroCrop beskik oor 'n hoogs gekwalifiseerde professionele span met jare se ondervinding wat die modernste sagteware en toerusting inspan om die volgende dienste te lewer:- Topografiese (3D) en grenskaarte
- Chemiese kartering van die grond (insluitend anorganiese voedingstowwe, pH, digtheid- en organiese koolstofkaarte) in bo- en ondergrond
- Fisiese grondkartering (insluitend grondtipe, klei- en klipfraksies, maksimum bewerkingsdiepte, areas met hoë stikstofuitloging)
- Grondpotensiaalkaarte (insluitend effektiewe worteldiepte, plantbeskikbare waterkapasiteit, opbrengspotensiaal van verskillende gewasse)
- Identifisering van sones wat waarskynlik verliese kan toon en advies hoe om sulke verliese te vermy of te verminder
- Kwantifisering van opbrengspotesiaal vir verskillende grondsones vir verskillende gewasse
- Advies oor korrektiewe toediening van plantvoedingstowwe vir verskillende sones (veranderlike toedieningskaarte)
- Plasing van verteenwoordigende inspeksiepunte vir opbrengsskattings, grondvogmeting, blaarmonsters, ensomeer
- NviroSeekerTM-skandering van groen gewasse om sones van plantstres te bepaal, asook voorstelle hoe om dit reg te stel
- Sone-spesifieke besproeiingsskedulering en integrasie van weer-, grond- en gewasdata
- Analise van opbrengskaarte
Deur hierdie inligting en advies te gebruik, kan die boer:
- Die balanse in sy grond regstel om optimale omstandighede vir gewasproduksie en gesonder grond te skep;
- moontlike verlies-makende sones op sy plaas identifiseer en strategieë uitwerk om hierdie verliese te vermy of te verminder;
- die produksie van hoë-potensiaalsones op sy plaas optimiseer (sonder om hoë insette te vermors op sones met gemiddelde potensiaal);
- oortoediening van gewasinsette in sekere sones voorkom;
- waterbestuur optimiseer;
- met ander woorde, die boer kan doeltreffendheid, volhoubaarheid en winsgewendheid verhoog EN sy produksierisiko's en die impak op die omgewing beter bestuur.